Mabuhay! Welcome to "Mga Tagalog na Tula sa Pilipinas | Filipino Poems in the Philippines! Here in this blog, you will find a collection of original tagalog poems. Please, feel free to browse at our archive. Thank you! -avonadarna
Maraming salamat sa pagbisita sa blog na MGA TAGALOG NA TULA SA PILIPINAS. Ang blog na ito ay naglalaman ng mga koleksyon ng mga tagalog na tula na (maaaring) tumutugma sa diwa, damdamin at panlasa ng literatura at panitikan ng mga makabagong Pilipino dito sa bansang Pilipinas.

Ang PANITIKAN at LITERATURA ng PILIPINO sa larangan ng TULA ay ang pinakamasining at malikhain na paglalapat ng mga kalipunan o grupo ng mga salita sa wikang Tagalog. Ito ay naglalarawan ng isang diwang (maaaring) naglalaro sa isipan ng sumulat.

Ang may-akda ng Mga Tagalog na Tula sa Pilipinas ay nilalang na nagnanais maghabi ng mga salita sa tagalog at isalaysay ang mga kuwento sa pamamagitan ng mga linyang may tugma at sukat (o sa malayang taludturan din) na gaya ng isang tula!

Mabuhay ang Tagalog na Tula sa Pilipinas at ang mga makatang Pilipino!

TULA | PAANO SUMULAT NG TULA

KATHANG ISIP NG MAKATA

Tula lang nang Tula!


Paano Sumulat ng Tula
ni: Avon Adarna

Paano sumulat ng magandang tula?
Kailangan bang ito’y may sukat at tugma?
Paano kung hindi makita ng diwa?
Ang tula bang ginawa’y mababale-wala?

Ang aral na diwa’y dapat bang taglay
Ng tulang binanggit, kailangang makulay?
O sapat na rito na parang salaysay
At tila kwento lang ng mga bagay-bagay?

Kailangan bang ito’y magsilbing aral,
Sa bawat babasa’y dapat na umiral
Kaisipang dala ng tulang pedestal,
Lalagi bang wasto sa utak ng hangal?

Sa literatura, sining, panitikan,
Ang tula na yata ang pinakamainam
Pagkat nakasalig sa imbay ng paham,
Ipinanganganak sa sinapupunan.

Diwang nasa bungo ng makatang lingkod,
Ang siyang nagtulak, sa kanya’y nagbunsod,
Upang ang tula’y tumatak sa likod
Ng bawat babasa’y hindi na malimot.

Kung ako ang siyang tatanungin,
Hindi ko na yata pakaiisipin,
Ang tula ay tula: mababaw, malalim
Ito’y isang daan upang makagising.

Tula ay pumalag tuwang kalooban
Kahit sabihin pang siya’y kabataan,
Kung buhat naman sa loob at isipan,
‘Di na dapat isipin ang kahulugan.

Nasa utak na ng nagmamay-ari,
Kung ano'ng ibig itukoy sa sinabi,
Ang tula na inukit ay alay sa sarili
Pagkat maaaring lumipad sandali.

Maisisigaw mo tinig ng hininga,
Sa tula ay hari ikaw na makata,
Lalaruin ang buwan pati mga tala
Pwedeng makasiping lahat ng artista.

Magiging daan din sa paglalakbay
Talata ng tula ay walang hanggang gabay,
Pangarap na yaman naisasabuhay
Lungkot mawawala, kahit nalulumbay.

Sa pamamagitan ng aking mga sulat,
Nailalabas ko ang pintig sa lahat,
Hindi man nga ito buting isiwalat,
Tutula’t tutula kahit maging malat.

Ang lahat ng tula mayroong layunin
Ito’y ibubunyag matapos hagurin,
Ilalapat ang tono kahit na nga bitin,
Itula mo na lang ang ibig sabihin.

Kung napipilipit dilang baluktot,
Hayaan na lamang ang pagkakalukot,
Ang nais nga lamang ay maipulupot,
Ang tula sa mundo’y ating ihandog.

Ano pang iyong itinutunganga?
Walang patlang dito ang nakatulala,
Gumawa ka, bilis, tumula nang tumula,
Huwag mong isipin ang anumang hiya!

( Isang Tula Para sa mga Makata ng Pilipinas )

11 comments:

  1. Wer Yu?
    Farimz

    Masakit ang mag-isa
    Lalo na’t walang kasama
    Iniisip kita
    Nasaan ka kaya.

    Hindi ko alam
    Kung ikaw ay nasaan
    Hindi ka kasi nagpaalam
    Nang ikaw ay lumisan.

    Sinira mo ang puso ko
    Kung alam ko lang na magkakaganito
    Hindi ko nalang sana tinanggap ang alok mo
    Ngayon tingnan mo’t nalilito ako.

    Puso ko’t isipa’y ‘di mapakali
    Kung saan nga ba ako nagkakamali
    Iniisip ko gabi-gabi
    Hindi ko mapigilang magmuni-muni.

    Bakit nga ba hanggang ngayonramdam ko parin ‘to
    Ang lakas talaga ng tama mo Bro!
    Daig mo pa ang sipa ng pulang kabayo
    Na katuwang sa mga sugatan ang puso.

    Hanggang kalian ko ito titiisin?
    Sana’y bigyan mo ito ng pansin
    Bago pa magdilim
    Itong aking paningin.

    ReplyDelete
  2. bakit kaya akoy nag-hihinagpis
    nasaktan ako ns labislabis
    parang isang lapis
    patawarin mo ssana ako ....pls

    ReplyDelete
  3. mag aral pa kayong magtula
    para pag ako ang inyong nakaharap,
    upang hindi na kayo magutalutal,
    wag nyo namang sabihin na mayabang ako,
    dahil nagsasabi lang ako ng totoo..
    peace!!
    joke lang yan...
    From alanmae

    ReplyDelete
    Replies
    1. ganda! hehe. tama nga

      Ito'y isang tula para sa aking minamahal
      Kahit malayo man ay makarating pa rin, sinta
      Kahit sa malayong dako ka man
      Ay nag-iisa ka pa rin
      Sa aking pusong nagmamahal

      Sry guys, pero di talaga magkatugma eh!

      Delete
  4. sa aking palagay
    tula ninyoy matatamlay
    ang gumawa'y walang malay
    sa lumikha ay sumuway

    basahin ninyo ang tulang ito
    singkinang ng tala,pilak at ginto
    kung kayo'y minsa'y nalilito
    pakinggan ang magiting na pilato

    sa likod ng tulang ito'y may aral
    walang sino man ang pwedeng sumapal
    at sa mga kritikong ume-epal
    tikman nyo ang matamis kong sampal

    aking aaminin, hindi ako magaling
    hilig ko lamang, ang sumaya at gumiling
    intindihin nyo na, ang ibig kong sabihing
    "basahin nyo naman",aking hiling

    ReplyDelete
  5. "PAGKABIGO"

    Ika'y aking minahal ng lubos
    Ngunit ako'y sinaktan mo lamang
    Ika'y aking pinaka-mamahal
    Basta na lamang ako iniwan.

    Sa iyong pangakong binitawan
    Ang puso ko'y labis mong nasaktan
    PANGAKONG hindi malilimutan
    Nakatatak sa puso't isipan

    Pinilit kong ibalik ang lahat
    Ako'y labis namang nahirapan
    Ang ala-ala nating dalawa
    Ay hinding-hindi malilimutan.


    -joegie ann dasas :)

    ReplyDelete
  6. kahit ako'y nasaktan mo hirang
    di ko makakalimutang magagandang ating pinag samahan
    mamahalin parin kita sa dulo nang walang hanggan

    ReplyDelete
  7. ang mga tula nyo`y kay gaganda
    kaso tila puro kayo propaganda
    anu ba talga ibig iparating ng mga kataga
    habang binabasa ako`y natulala

    testing lng hahaha

    ReplyDelete
  8. ISANG BOTENG ALAK
    Isang boteng alak
    Ngayo’y aking kailangan
    Nang maibsan sakit na nararamdaman
    Isang boteng alak
    Siya ngayo’y aking kaibigan
    Hindi niya ako iniiwan sa gitna ng aking kapighatian
    Isang boteng alak
    Siya ngayoy aking kasama
    Sa lungkot at saya nandiyan siya tuwina
    Isang boteng alak
    Nakakausap ko siya
    Sa mga panahong pakiramdam ko, akoy nag-iisa
    Isang boteng alak
    Minsan ako’y kanyang tinanong
    Kaibigan, ano ang problema?
    Akoy sumagot, maahirap tanggapin kaibigan!
    “Lumisan ang mahal ko ng walang paalam!”

    ~Adonis “Pulang Lobo” San Miguel~

    ReplyDelete

Sumigaw ka...huwag magpigil! Tula nang tula! Comments from anonymous senders would not be entertained. Thank you.